Barnaamijyada RAAD TV International waa barnaamijyo  joogto ah, oo loogu talo galay in ummadda Af Soomaaliga  ku hadasha  ay ka haqab beesho  wararka, war bixiinno, cilmibaaris, taariikhda Islaamka, murti   iyo  madadaalo, barnaamijyada dhallinyarad iyo carruurta, bulshada, haweenka, caafimaadka, tacliinta iyo taariikhda iyo barnaamijyo kale oo aan joogto ahayn sida, ganacsiga,  waraysiyo  iyo munaasibadaha iyo shirarka  la qabto iyo kuwo kale oo badan.

Waxaa kamid ah:

RAAD RAAD:  Waa  barnaamij  lagu gorfeeyo taariikhdii iyo dhacdoonkii hore ee siyaasadda Somaalida oo lagu waraysto madxda kala duwan iyo dadkii goobjooge- yaasha ahaa iyo dad aqoon u leh kolbba dhacdada laga hadlayo.

Taariikhda Islaamka:  Waa barnaamij xiiso leh oo loogu talo galay in laga barto taariikhda Islaamka; marxaladiihii iyo guulihii islaamaka iyo  muhimadda nabadda iyo Islaamka.

Aragtida Siyaasadda: Waa barnaamij toddobaadle ah  oo u badan doodo iyo  faaqidaad waayaha siyaasadda  ee kolbba markaa xiisaha leh.

 Dhacdooyinka Toddobaadka:  Waxaa lagu gorfeeyaa dhacdooyinka iyo waraka toddobaadkii lasoo dhaafay.

 
Fanka iyo Suugaanta:  Waa barnaamij lagu waraysto Abwaannada  iyo fannaaniinta Somalida. Oo xiiso badan u leh dadka waaweyn ee qurbbo jooga ah iyo dadka dalalka gudoohodaba deggen.

 Arrimaha Bulshada:  Waa barnaamij  lagu lafo guro arrimaha bulshada iyo qoyska, siiba arrimaha haweenka iyo qurba joogga.

 Maxay kula tahay:   Waa barnaamij daawadeyaasha la weydiiyo ra’yigooda iyo wixii talooyin ah ee ay RAAD TV kula talinayaan.

Talk 2 U amma Waan kula hadlayaa:  Waa barnaamij llogu talo galay dhallinyarada  siiba kuwa qurbaha ku dhashay amma ku ababay.

Kuu Warramay:   Waa barnaamij  loogu talo galay inay dadka kala jooga dunida dacalladeeda ay kusoo gudbiyaan dhacdooyinka xiisaha leh ee ay la kulmaan.

Waxa kale oo barnaamijyada RAAD TV  kamid ah barnaamijo aan joogto ahayn sida Cayaaraha/Sportska , barnaamijyada Carruurta,Caafimaadka, Ganacsiga, Xafladaha Bulshada, Waraysiyo.

Waxa kale oo RAAD TV International soo dhaweynayaa xayasiisyada iyo fududaynta barnaamijyada soo baxaya.