Waxaannu dhammaan daawadayaashayada qaaliga ah ee ku kala nool qaaradaha kala duwan aannu marka hore ugu hambalyaynayanaa Sannadka cusub ee 2010. Marka labaad waxaannu idiinku mahad naqaynaa dhiirrigelinta iyo soo dhawyntaa aad mar walba RAAD TV aad la garab taagan tihiin.Taasoo ah taakulo iyo kobcin.
Waxaannu idinla socodsiinaynaa inaay hawshii RAAD TVInternational weli noo socoto ilaa haddana aannu ku guulaysannay qaybtii hore ee ahayd in loo raro Hargeisa, isla markaana aannu websitkii dib u habaynno. Taassoo hadda noo dhammaatay.
Waxaannu Inshaa’ Allah ku talo jirnaa in aannaan raajin soo saarista RAAD TV ee uu soo baxo qaybta hore ee sannadkan 2010.
Dhammaan daawadayaasha waxaannu ka codsanaynaa inay is diiwaan geliyaan si aannu xidhiidh joogto ah idiinla yeelanno oo aannu emailka idiinku soo gudbinno hadba wixii cusub.
Waxaa kale oo aanu daawadyaashayada North Amerika ugu bushaaraynayanaa in aannu RAAD TV dhawaan gaadhsiiin doonno Maraykan iyo Canadaba.
Waxa kale oo annu ku faraxsannahay in RAAD TV uu yeelan doono barnaamij cusub oo kamid noqon doona barnaamijyadiisa oo la magic baxay KUU WARRAMAY. Kaasoo aannu ugu talo galnay in daawadyaashayada ku la baahsan addunweynha, ay fursad u helaan inay noo soo diraan warar kooban, amma dhacdooyin xiiso leh oo ah muuqaal. Wararkaas kooban amma clipyadaas waxay noqon doonaan ugu badnaan saddex daqiiqo, waxaana la sii dayndoonaa tododdobaadkiiba dhawr war oo kal duwan.
Wakhtiga iyo habka loo soo dirayo mardambe ayaanu websiteka idinkala soo socodsiin doonnaa Inshaa’ Allah.
